TezЖаңылык

Биз Hitit системасын интеграциялаганыбызга абдан кубанычтабыз.

TezJetтин президенти жана башкы директору мырза Арун Кумар Сингх Hitit менен болгон өнөктөштүк жөнүндө мындай деди: «Биз TezJetте Hitit системасын интеграциялаганыбызга абдан кубанычтабыз. Түрдүү модулдарга, өнүккөн B2B жана B2C мүмкүнчүлүктөрүнө жана башка заманбап өзгөчөлүктөргө ээ болгон PSS чечими биздин авиакомпания үчүн чоң баалуулук алып келет жана Кыргыз Республикасынын авиация тармагына олуттуу «бурулуш жасайт». Hitit мүмкүнчүлүктөрүнүн аркасында TezJet жүргүнчүлөрүнө заманбап, ыңгайлуу жана сапаттуу кызматтарды атаандаштыкка жөндөмдүү баада сунуштай алат. Бул аймактагы аба каттамдарынын өсүшүнө чоң салым кошот. TezJet региондо эң эффективдүү жана заманбап PSS системасына ээ болуп, дүйнөдөгү алдыңкы авиакомпаниялардын деңгээлине чыгат. Мен Hitit жана TezJet кызматкерлерине бул системаны кыска мөөнөттө ийгилик менен ишке ашырганы үчүн ыраазычылык билдирем жана узак мөөнөттүү өнөктөштүккө үмүт кылам.

Hitit компаниясынын маркетинг боюнча директору Невра Онурсал Караагач белгилегендей, TezJet менен өнөктөштүк Hitit компаниясынын Кыргыз Республикасында жана КМШ өлкөлөрүндөгы позициясын бекемдеди. Ал мындай деп кошумчалады: «TezJet сыяктуу белгилүү авиакомпания үчүн IT-провайдер болуу биз үчүн чоң сыймык. Бул компания Кыргызстанда авиация тармагына чоң салым кошкон. Биз баштапкы баалоолор учурунда алардын жүргүнчүлөргө кызмат көрсөтүү процесстеринде кемчиликтерди аныктап, Hitit чечимдерин тез арада интеграцияладык. Биздин өнүккөн PSS чечимибиз, кесипкөйлүккө негизделген мамилебиз жана ийкемдүү миграция процесси аркылуу бул иштер аткарылды. TezJet жаңыртылган инфраструктурасы менен жакынкы аралыкта аймактагы аба каттамдарынын жана жүргүнчүлөргө кызмат көрсөтүү системаларынын өнүгүшүнө чоң таасир этет деп ишенем.